Kûçik ji mirovan bi wîjdantir in

Li Îngîlîztanê bernameyek li ser “Jiyana Veşartî ya Kûçikan” hat çêkirin û di kişandina wêneyan de kiryarên balkêş derketin holê.

Di kişandina fîlmê dokumenter ê “Jiyana Veşartî ya Kûçikan” de hat dîtin ku kûçikek bîberonê dixe devê berxikek piçûk, berxikê şîr dide û heta berxik şîrê xwe diqedîne, bîberonê ji devê xwe dernaxe. Niha ev bûyer li Îngîlîztanê bûbe rojev û pesnê dilpakî û sadiqîya hinek kûçikan tê nîqaşkirin.

Di vî wêneyî de baş dixuye ku kûçik ji gellek mirovan bi wîjdantir in. Bi taybet divê em Kurd li vî wêneyî baş binerin û aqil jê bigrin.

Ê xelkê kûçikên wan jî xwedî li berxikên welatê xwe derdikevin, wan şîr didin û wan diparêzin.

Lê yê me hem dewletên dagîrker û hem jî gellek ji serok û rêberên partîyên me, hûn dev ji bêşexsîyetkirina kûçikên Kurdistanê berdin, şexsîyet bi Kurdan re nehiştine, Kurd û Kurdistan kirine û dikin piçik û parîyên devê dagîrker û qatilên milletê xwe, bi şivên re dikujin û bi xwedî re jî şînê digrin. Bi navê Kurd û Kurdistanê yekparî, yekdewletî, yekmilletî û yekzimanîya dewletên dagîrker dixwazin û li Kurdên xwelîliser siwar tên.

Bijî kûçikên xwedî wîjdan!

Bijî yekîtîya kûçik û berxikên Kurdistanê!

Bila em kûçikên welatê xwe bin, lê ne kole û xulamên dijminê xwe bin!

London

About The Author