Xaltîka me dîsa xwe bi dewletê şelaf kir

Ehmed Beyan- 13/12/07-Enqere- Belê, xaltîka me Aysel Tûglûk xanimê dîsa çend lotikên li gor dilê dewletê avêtin Kurdan û xwe bi dewleta Virqo şelaf kir. Tu dibê qey Kurdên başûr zebeşên bavê wê dizî ne, ewqasî ku serxwebûna başûrê Kurdistanê li zora wê û hevalên wê diçe.

Tûglûk xanima ku berî niha dagîrkirina başûr ji artêşa Tirk re rewa dîtibû û daxwaza mîsakî mîllî dikir, îro jî radibe dîtî nedîtî êrîşî serxwebûna başûrê Kurdistanê dike û aqil dide dewleta terorîsta Tirk. Xaltîka me di îhbarnameya ku di parlamentoyê de xwendiye dibêje:”Li başûrê Iraqê dewletek ava dibe û ev bi destê dewletên mezin çêdibe. Ew dixwazin bi vê armancê Tirkiyê bikşînin wêderê û ji hev parçe bikin. Wê ev yek bibe bela serê Tirkiyê. Werin em berjewendîyên Tirkiyê nekin qurbana ihtîras û lotikên xwe. Ji bona biserneketina vê projeyê (serxwebûna başûr) çare û lotikek tenê heye ku Tirk bi Kurdên xwe re (mebesta wê PKK û DTP) hevkarîyê bikin” filan û jehr û ziqûm.

Yanî,  Tûglûk xanim eşkere dibêje ku PKK di pêşîya serxwebûna Kurdistanê de astenga herî mezin e û divê dewlet hevkarîyê pêre bike (ku rastîyek pir mezin di gotinên wê de heye)

Xanimê bê fedî radibe nimûna Zîya Gokalpê qûnek dide û dibêje:”Ne Kurd bêyî Tirkan û ne jî Tirk bêyî Kurdan karin bijîn” û çend derewên din.   Ê keçko, ma emê ji te re bêjin çi!? Meydan ji te û dewleta te re maye û hûn jî li gora dilê xwe lotik û zîtirkan davêjin Kurdan.

Wey liminnnnnnn bê em Kurdên bakur çiqasî bêxîret bûne.......!