Ji Tirkan re ferq nake, ha kujtî ha hiştî

Nanxwirê Cilqetîn-19/12/07- Belê, dewleta virqo li ser soza xwe ma û bi balafirên xwe êrîşî Çiyayê Qendîlê kir. Heçê nizanibe wê bêje qey ev cara yekem e ku Tirk êrîşî Çiyayên Kurdistanê dikin û wan çiyan dişewitînin. Lê bi dehan car heman êrîş hatine kirin û bi van êrîşan dewletê dengê awira gelemperîya civaka xwe qut kiriye. Hema bêjin ev êrîşa dawî jî zêdebûna ser kezebê bû.

Serokwezîr Recebo hingî got „emê êrîş bikin û bikin“ êdî tu çare jêre nema. Nerî go êrîş nekin ewê derewîn derkeve û wê îtîbara wî di nava xelkê „ker“ de bişkê, îcar bi henekan be jî çend bombe avêtin ser Çiyayê Qendîlê û li ser soza xwe ma. Kuro ev Recebo îşê xwe zane haaaa! Bawer kin, bi van êrîşên başûr mêrik hesabê hilbijartinên beledîyan dike. Dixwaze kela dilê Tirkan hênik bike da ku di hilbijartinan de çend beledîyên ku di destê hinek partîyên din de mabûn jî, têxe destê xwe û bibe mîrê seranserê Tirkiyê.

Werhasil, îcar çapemenîya me Kurdan qirikê li xwe diqetînin û dibêjin:“Tirkan gundên sifîl jî bombebaran kir“ filan û bêvan. Kuro lao, bêbavan li bakurê Kurdistanê 5 hezar gundên me şewitandin, bi dehhezaran Kurdên sifîl kujtin, ma xema wan çend gundên başûr in ku dilê wan pê bişewite hêê? Ma dilê dijmin bi dijmin dişewite babam? Ferza em Kurd xwelîliser û diltenik in, ma ji we weye wê Tirk jî wek me bêaqil bin û dijminên xwe wek „dostên xwe“ bibînin? Na canimmmmmmm! Mêrikan ketûber didin ber û bomban dibarînin. Ji wan re ferq nake, ha Kurdek sifîl miriye ha gerîllayek, hêççççç! Ma Tirk bilasebeb dibêjin:“Kurdê herî baş Kurdê mirî ye“ qurbannnnnn! De Xwezî  bi wê rojê ku Kurd jî biaqil bibin û bêjin:“Tirkê herî baş Tirkê mirî ye“ û hûn sax!