Me li hev kir

Şemal Amedî- 16/09/08- Hollywood- Wek hûn zanin xanima Amerîkî Natalîe Dylana 21 salî keçkanîya xwe derxistibû mazatê û gotibû:“Heçê min ji hev biçirvirîne û perda keçkanîya min biqetîne, divê 250 hezar dolarî bide min. Heger hûn bawer nakin ku ez keçik im, werin lêkolîna xwe li ser can û cesedê min bikin“ filan û bêvan. Piştî vê daxuyanîyê, pisporên seksê ê Lotikxanê ketin ser dilê wê û lêkolîna xwe kirin. Di lêkolînê de dîtin ku birastî jî perda keçkanîya wê nehatiye dirûtin û wek zêrê zer e, nermik û germik e. Îcar em pêre ketin bazarê û me bi 200 hezar dolarî li hev kir.

Lê me şertê xwe avêt ber û got:“Niha di destê me de 1 dolarê hazir heye. Kengî ku ji petrola Kerkûkê çend bîdon ji me re hatin û me ew petrol firot, emê perê te bidin te“. Wê jî serê xwe hejand û got:“ De ka wî 1 dolarî bidin min ez pê çûmik benîşt bikirim bavo, heta petrola we bê firotin xwedê kerîm û rehîm e“.

Welhasil, me dolarek dayê û em vegeriyan mala xwe.

Îcar ji petrola Kerkûkê galon û bîdon ji me re tên nayên, başûrî û wîjdanê xwe. Helbet heger Tirk û Ereb bihêlin û dest daneynin ser galonên me haaa…..