Bavê Tirkan ji mezel rabû

Belê qurban, bavê Tirkan Mistoyê Selanîkî ji mezel rabû û got „Selamun aleykum“.

Li bajarê Izmîrê mirovê bi navê Mesût Yonan, ewqas dişibe bavê Tirkan Kemal Ataturk ku nayê gotin. Mesût Yonan ê ku elektrîkçî ye û bi zor û heft belan zikê xwe têr dike, bi xêra şibandina Misto niha têra xwe meşhûr bûye û dide lotik û zîtirkan.

Mesût Yonan, bi şibandina Misto kêfxweş û dilşad e û dibêje ku „Ez nema zanim ne ew ez im, ne jî ez ew im. Nizanim ne ez mirî me, ne jî ew di bedena min de ji mezel derketiye û sax bûye. Lê di her halûkarê de em herdu pir dişibin hev. Belkî dê û bavên me di dema xwe de qaçaxî maçaxî kiribin ma kî zane“ û dikene.

Werhasilî kelam, hingî Tirkan digot „Atam, sen kalk ben yatam“, wa bavê wan ji tirbê rabû ser xwe. Îcar kîjan bêaqil ketiye tirba wî ez wê nizanim ellawekîl…

Izmîr

About The Author