Kasimpaşalî vê carê dîn jî xist nav xetên sor

Serokwezîrê Tirkiyê cîgerim Erdogan, vê carê dîn (ol) jî xist nav xetên sor.

Erdogan ê ku di mijara Kurdî de çend lotikên germik û nermik avêtin û rê ji televizyonên wek TRT6 re vekir, îro agir ji devê wî dibare û ketûber xelkê dide ber lotik û zîtirkên xwe.

Kasimpaşalî yê ku heta niha digot “Yek dewlet, yek al, yek millet û yek ziman”, li bajarê Adanayê îcar dîn (ol) jî lê xetên xwe yên sor zêde kir û got “Binerin oxlim, xetên me yên sor ev in: “Yek dewlet, yek millet, yek al û yek dîn” û bi vî awayî lotikek qerase li ol û mezhebên ji derveyî îslamê xist.

Werhasilî kelam, Kasimpaşalî Receb êdî hew zane çi bêje û çi nebêje. Hema çi tiştekî ku temsîla nîjadperestî û Tirkîzmê bike, wê dixe nav xetên xwe yên sor û xelkê pê difetisîne.

Rebbê alemê dibêje “Kufir dom dike lê zilm dom nake”. Îcar wê rebbê alemê kengî û kîjan rojê topa qiyametê di nav paq û şeqê Erdogan de biteqîne ez wê meraq dikim…

Adana

About The Author