Borîs, nayê girêdan bi ben û werîs

Hesen Keleş

Kevneşayedarê bajarê Londrayê mamê me Borîs Johnson bû wezîrê derve yê Brîtanyayê û kêfa me anî.

Piştî ku xanima germik û nermik Theresa May bû serokwezîra nû ya Brîtanyayê, taca wezîrtîya derve da Borîs Johnson û ew kir wezîrê derve yê Brîtanyayê.

Qeraseyê zilaman Borîs Johnson, dostê Kurdan e. Bi taybet ji pêşmerge û gerîllayên Kurd pir hez dike û xwîna wî pir li wan dikele.

Li gor zinêkar û esrarkêşên bajarê Londrayê dibêjin, heke Borîsê me nebûya wezîrê derve, biryar dabû ku têkeve nav refê pêşmerge û gerîllayên Kurd û bi mîrkutan rabûye ser serê zîtirkvanên DAÎŞê. Lê piştî ku bû wezîrê derve, gotiye ku ewê bi rêya wezareta xwe alîkarîya Kurdan bike û wan bi tenê nehêle.

Borîs Johnson, berî niha gotibû: “ Ez bi serê Îsa û Mûsa kim, xwîna min pir li pêşmergeyan dikele. Tu dibê qey em ji dê û bavekî ne, ewqasî ku ez xwe nêzîkî wan dibînim allahwekîl“ û çûbû başûrê Kurdistanê, ketibû nav pêşmergeyan û rahiştibû keleşkofê.

Ê de rebbê alemê dostên Kurdan li Ewrûpayê zêdetir bike rebbî…

London

About The Author