Partî jib o gihiştina armancekê hacet û alav in, ne armanc in. Lê mixabin em Kurd partî û berjewendîyên partîyên xwe ji xwe re dikin armanc û berjewendîyên xwe û partîyên xwe di ser berjewendîyên Kurdistanê re digirin. Ev yek li her çar parçeyên Kurdistanê wilo ye. Ji ber vê jî em nikarin Kurd û Kurdistanê ber bi azadî û rizgarîyê bibin û dibin sebebê berdewamîya bindestîya xwe.
Mîrê me Kurdên Êzdî Mîr Hazim Tehsîn Beg div ê derbarê de guhê PDK û YNK kişand, lotikek bêîman li wan xist û berjewendîyên Kurdistanê li bîra wan anî. PDK û YNK wê guh didin Mîr Tehsîn Beg yan nedinê nizanim. Lê mîrê me tilîya xwe xist çavên wan û got: “Berjewendîyên Kurdistanê di ser partîyên xwe û di ser her tiştî re bigirin”.
Mîrê me li Silêmanîyê serdanan gora Mam Celal Talabanî kir, duayek li ser xwend û daxuyanîyek da rojnamevanan. Mîrê me anî zimên ku wî bi Qubad û Bafilê gurî re civîyaye û çend lotik avêtine.
Mîrê me di daxuyanîya xwe de bang li Serokê Herêma Kurdistanê kak Nêçîrvan jî kir û got ku; “Dive Serokê Herêma Kurdistanê kak Nêçîrvan Barzanî guhê lotikvanên herdu alîyan (PDK û YNK) bikşîne, wan bîne cem hev da ku di demek nêzîk de hikûmeta nû ava bikin“.
Mîrê me di dawîyê de lotika herî girîng avêt, mîrkutek li nav serê PDK û YNK xist û got: “Canekem, Kurdan ne ji bo we, ji bo berjewendîyên Kurdistanê dengê xwe dan. Em bang li hemû alîyên siyasî yên Kurdistanê dikin ku li ser yek maseyê rûnin û bigihin rêkeftinekê. Em dixwazin berjewendîyên Kurdistanê di ser hemû berjewendî û partîyan re bê girtin“ û kela dilê xwe û dilê me hênik kir.
Axir, berjewendîyên Kurdistanê di ser berjewendîyên hemû partîyên Kurdistanê re ye. Kurdê ku berjewendîyên xwe û partîya xwe di ser berjewendîyên Kurdistanê re bigire, bela bizanibe ku rûn li ser nanê dagîrkerên Kurdistanê dike û ne li erd û ne li ezmên cîhê wî tuneye.
Bijî Mîrê me Hazim Tehsîn Beg!
Duhok
Dîko berda mirîşkê
Dîko qezenc kir, Jin, Jîyan, Azadî têk çû
Çima hûn îstîfa nakin heval?