Firildeq Elî
Hinek Kurdên xwelîser gazindan ji xanim Dîlek Ocalan û hinek wekîlên HDP dikin û dibêjin xwedêgiravî „ew di meclîsa AKP de tu tiştekî ji bo Kurdan nakin“ filan û bêvan.
Erê belkî hinek wekîlên HDP yên Tirk tiştekî nekin, lê bi allahwekîl hinek jî dikin lo.
Aha ji we re xwarzêya me Dîlek Ocalan.
Xanim Dîlek Ocalan, di meclîsa Tirko û virqo de pêşnîyaznameyek qerase da meclîsê û daxwaza perwerdeya bi zimanê zikmakî, ango bi zimanê Kurdî kir.
Dîleka me di pêşnîyaznameya xwe de daxwaz ji meclîsa Tirko û hikûmeta AKP kir ku „qedexeya li ser zimanê Kurdî bê rakirin, zimanê Kurdî bi fermî bibe zimanê perwerdeyê û di zagon û makzagonan de zimanê Kurdî bê himandin“.
Ê başe babam, ka lotika ji vê lotikê xweştir?
Îcar kî bextê xwe xirab dike û dibêje „dîleka me tiştekî nake“ qardaşim?
Ma çavê we lê ye xwe di meclîsê de biteqîne yaw, haalla hallaaaaaa!
Stenbol
Ma kes kare vî gunikreşî bigire
Piştî tirê kezîkurê
KULA DİLÊ KURDAN…!