Dîko berda mirîşkê

Hesen Keleş

Em ji teq û req û ji teşqela hilbijartina Amerîkayê xelas bûn. Di berberî û pêşbirka hilbijartinê de Dîko (Donald Trump) namzetê Komarîyan û Mirîşkê (Kamala Harrîs) jî namzeta Demokratan bû. Ji xwe ev her du partî ne. Bi salan e çarenûsa Amerîka û dinyayê bi destên Komarî û Demokratan tê neqişkirin.

Demokrat ji Mirîşka xwe Kamala Harrîs bi hêvî bûn ku wan dîsa bike desthilatdar û hikimdarên dinyayê. Lê Dîkê Komarîyan bi nikilan li nav serê Mirîşka Demokratan xist û ew da alîyekî. Dîkê me Donald Trump bû serokê 47 emîn ê Amerîka û Dinyayê û niha şûr porê wî (ji ber bê simbêl e) nabire.

Dîkoyê ku xwedîyê milyar dolaran e, piştî vî temenî wê çi xêrê bi Amerîka û dinyayê bike em nizanin. Lê xuyaye wek John Bîdenê perçiqî ew jî dixwaze di talîya temenê xwe de navê serokatîyê bi dû xwe bixe û di Qesra Spî de kêfa li ser kêfê bike.

Ê de li mala xwe rûnê û dolarên xwe bixwe oxlim, tu bibî serokê Amerîka û Dinyayê çi ye û tu nebî çi ye. Wê çi li te zêde bibe Dîko!

New York

About The Author