Serokê Partîya Kominîst û wekîlê Partîya DEMê Sînan Çîftyurek (du dil) li Meclîsa Romê lotikek avêt û behsa pirsa Kurd û federasyonê kir.
Sînanê me wekîlên li meclîse dan ber lotikên bêîman û got: „Binerin oxlim, ji bo çareserîya pirsa Kurd divê em karibin federasyonê jî nîqaş bikin“ û bombeyek di Meclîsa Romê de teqand.
Parlamenterê Wanê yê partîya DEMê û Serokê Partîya Kominîst a Kurdistanê (KKP) mamê me Sînan Çîftyurek, behsa paşeroyê û gotinên gelek rêvebir û serokwezîrên Romê kir ku wan jî behsa federasyonê kiriye û nîqaşa federasyonê ne sûc û qebhetek mezin e.
Lê ya ku mamê me Sînanê kirîv ji bîr dike ev e, partîya ku di nav de ye û wekîlê wê ye jî jib o Kurdan heta îro behsa federasyonê nekiriye û nake jî. DEM a ku heta îro ji Tirk û Tirkîyeyîkirina Kurdan pê ve tu siyasetek ji bo xêr û berjewendîyên Kurd û Kurdistanî nekiriye, federasyon nedaye pêş û behsa wê jî nekiriye û nake.
Xwestin û doza federasyonê wê di navbera Komîserên Sîyasî yên DEMê û mamê me Sînan de çi pevçûnan derxe nizanim. Lê ez texmîn dikim ku wê Komîserên Siyasî yên DEMê guhê mamê me bikşînin û jê re bêjin „bes behsa federasyonê bike wulen, Tirkîyeyîbûn zêdeyî serê Kurda ye“ û wî bidin ber lotikên bêîman.
Werhasilî kelam, mamê me Sînan Çîftyurek lotikek pîroz û zêdeyî bejna xwe avêt. Îcar wê Sînanê me û Komîserên DEMê çi pelûlê bi serê hev de birjînin nizanim…
Stenbol
Nêçîrê me tiştek ji bîr kir
Tirkan dest bi hêkên hesinî kir
Xalê me Ehmed vê carê bi dest û lingan da navê